«Отыра алмайды, жылап келді»: сотта Гүлмира Сатыбалдының денсаулығы сыр берді

Алматыда Гүлмира Сатыбалданың ісі бойынша жарыссөздер өтіп жатыр. Алайда сотталушының денсаулығына байланысты бүгінгі сот отырысын кейінге шегеруге тура келді. Айта кетсек, бүгінгі жарыссөзге сотталушылар, сондай-ақ олардың адвокаттары онлайн қосылған. Олар сот залында болған жоқ. Процес бастала салысымен Гүлмира Сатыбалдының денсаулығы сыр бергені белгілі болды.

Бізді қосқан кезде қорғалушымыздың аллергиясы асқынғанын білдік. Оған антигистаминдік дәрілер салынды. Қазір бүйрегі қатты ауырып тұр, оған дәрігер табылмай жатыр. Біз сот отырысына дайынбыз, бірақ қорғалушымыздың жағдайына қараймыз. Сондықтан сот отырысын кейінге қалдыруды сұрайды. Біз процесті созып жатқан жоқпыз, ол шынымен ауырып тұр. Ол отыра алмайды, жылап келді, - деді сотталушының адвокаты.

Судья Кәкімжанов ешкім сотталушыны өтірік ауырып тұр деп ойламайтынын атап өтті. Сондықтан сот отырысы 27 тамызға ауыстырылды.

#адвокат #Гүлмира Сатыбалды #сот #судья