Пациентті зағип еткен: Шымкентте заңсыз пластикалық ота жасаған ер адам сотталды

17 қыркүйек 2026, 15:18 971

Пациентті зағип еткен: Шымкентте заңсыз пластикалық ота жасаған ер адам сотталды — Фото: ochkov.net

Шымкентте тиісті рұқсат құжаттары мен лицензиясы бола тұра, заңсыз пластикалық ота жасап, науқасты бір көзінен айырған ер адам 1,5 жылға бас бостандығынан айырылды, деп хабарлайды Politico.kz.

Сот барысында анықталғандай, ол арнайы талаптарды сақтамастан әйел адамға блефаропластика жасаған. Ота сәтсіз аяқталып, пациенттің денсаулығына ауыр зиян келген.

Сот үкімімен ер адам заңсыз медициналық қызмет көрсеткені үшін кінәлі деп танылды:

ҚР Қылмыстық кодексінің 322-бабы 2-бөлігі бойынша ол 1 жыл 6 айға бас бостандығынан айырылды.

Жаза мерзімінен бөлек, оған 3 жыл бойы медициналық және фармацевтикалық қызметпен айналысуға ресми түрде тыйым салынды.

Абай ауданының прокуратурасы тұрғындарға медициналық көмекке тек кәсіби білікті мамандар мен арнайы мемлекеттік лицензиясы бар клиникаларға ғана жүгіну қажеттігін ескертеді. Рұқсатсыз немесе күмәнді қызметтер адам денсаулығы мен өміріне орны толмас қауіп төндіруі мүмкін.

Ота Сот Шымкент үкім

Бізді Google-дың негізгі дереккөздер тізіміне қосыңыз

Қосу

Пациентті зағип еткен: Шымкентте заңсыз пластикалық ота жасаған ер адам сотталды

Соңғы жаңалықтар