Президенттің атына Ораза айт мерекесіне орай құттықтау жеделхаттары түсіп жатыр

11.04.2024
07:17
0
86
Мемлекет басшысы Қасым-Жомарт Тоқаевтың атына барша мұсылман қауымы үшін қасиетті саналатын Ораза айтқа орай шет мемлекеттердің басшыларынан және халықаралық ұйымдардың жетекшілерінен құттықтау жеделхаттары келіп түсіп жатыр.
Түркия Президенті Режеп Тайип Ердоған Қасым-Жомарт Тоқаевқа түрік халқының және жеке өз атынан жүрекжарды лебізін білдіріп, оған зор денсаулық, бақыт, ал достас әрі бауырлас Қазақстан жұртшылығына бақ-береке тіледі.
Өзбекстан Президенті Шавкат Мирзиёев өз құттықтауында Мемлекет басшысы Қасым-Жомарт Тоқаев пен бауырлас Қазақстан халқына ізгі тілегін білдірген.– Ынтымақ-бірлік, бауырластық құндылықтарын дәріптейтін осы қасиетті мереке Ислам әлеміне және барша адамзатқа бейбітшілік, бақ-береке ала келсін, – деп жазылған Түркия Президентінің құттықтау жеделхатында.
Қырғызстан Президенті Садыр Жапаров құттықтауында мемлекетіміздің басшысына амандық тілеп, Қазақстан халқының бейбіт заманда өсіп-өркендей беруіне тілектестік білдірген.– Кейінгі жылдары ортақ мәдени және рухани құндылықтарды қастерлейтін достас халықтарымыздың өзара бірлігі нығайып келеді. Оның бейбітшілік пен тыныштықты, өзара достықты дәріптейтін қасиетті Рамазан айы мен Ораза айттың ізгі қағидаттарымен үндесетіні сөзсіз, – деп жазылған жеделхатта.
Тәжікстан Президенті Эмомали Рахмон өз жеделхатында елдеріміз арасындағы достық қарым-қатынастың жоғары деңгейіне көңілі толатынын атап өткен.– Сенімнің беріктігін, төзімділік пен бірлікті айшықтайтын осынау рухани мерекеде халықтарымыздың ынтымағы нығайып, бақ-берекесі еселене берсін, – деп жазды қырғыз елінің басшысы.
Қасиетті Ораза айт мейрамына орай ізгі тілегін Түрікменстан Президенті Сердар Бердімұхамедов те жолдады.– Барша мұсылман елдері үшін қасиетті саналатын мейрамның адамгершілікке үндейтін құндылықтары мен жасампаз дәстүрі халықтарымыз арасындағы мызғымас берік байланысты нығайтуға алдағы уақытта да қызмет ете беретініне сенімдімін, – деп жазған Тәжікстан басшысы.
Сонымен қатар Мемлекет басшысын БАӘ Президенті шейх Мұхаммед бен Заид Әл Нахаян, Иордания Королі II Абдалла, Марокко Королі VI Мұхаммед, Бахрейн Королі Хамад бен Иса Әл Халифа, Кувейт Мемлекетінің Әмірі шейх Мишааль әл-Ахмад әл-Джабер ас-Сабах, Ливия Президенттік кеңесінің төрағасы Мұхаммед Юнис әл-Манфи, Оман Сұлтаны Хайсам бен Тариқ, Ирак Президенті Абдул Латиф Рашид, Палестина Президенті Махмуд Аббас, Пәкістан Премьер-министрі Шахбаз Шариф, Сингапур Премьер-министрі Ли Сянь Лун, БАӘ Вице-президенті, Премьер-министрі және Дубай Әміршісі шейх Мұхаммед бен Рашид Әл Мактум, БАӘ Вице-президенті, Премьер-министрдің орынбасары шейх Мансур бен Заид Әл Нахаян, Түрікменстан Халк Маслахатының төрағасы Гурбангулы Бердімұхамедов, Татарстан Республикасының Раисы Рустам Минниханов, Ислам ынтымақтастығы ұйымының бас хатшысы Хиссейн Брахим Таха және тағы басқалар құттықтады. Қазақстан Президентінің атына құттықтау хаттары мен жеделхаттар әлі де келіп түсіп жатыр.– Ежелден адамгершілік, қайырымдылық, мейірімділік және рухани тазалық секілді асыл қасиеттерді дәріптейтін бұл мейрам мұсылман үмбеті арасындағы өзара түсіністікті, ынтымақ пен татулықты нығайта беретініне кәміл сенемін, – деп жазған Түрікменстан Президенті.
Здесь пока ничего нет
Соңғы жаңалықтар

09.02.2025
20:17
Сапарбай Жұбаев: ҚҚС бойынша дамыған елдердің т...

09.02.2025
18:13
Таразда 15 жастағы қыз өгей әкесінен бала туды

09.02.2025
17:15
17 жыл бойы ел алдына шықпаған Сандуғаш Стамғаз...

09.02.2025
16:46
Тарих! Қазақстан шорт-тректен алғаш рет Азия ой...

09.02.2025
15:33
“Мені енді сыйлай бастады". Жазира Байырбекова ...

09.02.2025
13:15
«Бетіме отырыңыз»: Қайрат Әділгерей мен Дариға ...