Қарағанды облысында электр қуаты үзілді: төтенше жағдай режимі енгізілді

Қарағанды облысының Шет ауданында жарықсыз қалған халыққа төтенше жағдай режимі енгізілді

Қарағанды облысының Шет ауданында электр қуаты үзілгендіктен, төтенше жағдай режимі енгізілді, деп хабарлайды POLITICO.KZ.

Облыстық әкімдіктің мәліметінше, «Шет-Энерго» жергілікті энергетикалық компаниясы Жезқазғандық тарату желілері компаниясының (ЖРЭК) талаптарын орындамаған. Осыған байланысты электр энергиясын беру мәселесі туындап, аудан тұрғындары жарықсыз қалды.

«Бұл жағдайға байланысты Шет ауданының әкімдігі төтенше жағдай режимін жариялап, электр қуатын қалпына келтіру бойынша жұмыстар жүргізіп жатыр», – деп мәлімдеді Қарағанды облысы әкімдігі.

Жергілікті билік тұрғындарды сабыр сақтауға шақырып, мәселені жақын арада шешуге уәде берді.

Айта кетейік, электр қуаты мәселесі тек Шет ауданында ғана емес, бүкіл өңірде тұрақсыздық туғызып отыр.

#Қарағанды облысы