Қайырымдылық ұйым экстремистік әдебиет таратқан

Атырауда экстремистік мазмұндағы әдебиет таратқаны үшін ұйым жабылды

Атырауда қайырымдылық ұйымы экстремистік әдебиет таратқаны үшін жабылды, деп хабарлайды POLITICO.KZ.

Прокуратура мәліметінше, ұйым жасөспірімдер арасында экстремистік мазмұндағы әдебиеттерді тарату үшін пансионаттарды пайдаланған. Экспертиза бұл материалдардың Қазақстан аумағында тыйым салынғанын растады.

Ұйым Қазақстан Республикасының Әкімшілік құқық бұзушылық туралы кодексінің 453-бабының 4-бөлігі бойынша кінәлі деп танылып, 516 880 теңге көлемінде айыппұл салынды.

Қалалық прокуратураның талап-арызы бойынша осы ұйыммен байланысты төрт заңды тұлғаның мемлекеттік тіркеуі жойылды. Барлық пансионаттардың қызметі тоқтатылды және олар толықтай жабылды.

#Атырау