"Қазақмыс" компаниясының шахтасында қайғылы оқиға орын алды

Ұлытау облысында шахтада болған қайғылы оқиға салдарынан жұмысшы қаза тапты, деп хабарлайды POLITICO.KZ.

Бұл ақпаратты "Қазақмыс" компаниясының баспасөз қызметі растады.

Қайғылы жағдай "Анненская" шахтасында, Шығыс-Жезқазған кенішінде болған. Қаза тапқан жұмысшы 1985 жылы туған, оның қызметі – дробильщик.

"Оқиғаның себептері мен мән-жайын анықтау үшін арнайы комиссия құрылды," – делінген хабарламада.

Компания қажетті барлық көмекті көрсетіп, ұжымдық келісімшартқа сәйкес төлемдер жасайтынын, оның ішінде жерлеу рәсіміне кететін шығындарды өтейтінін мәлімдеді. Қазіргі таңда қайғылы оқиғаның барлық мән-жайын анықтау жұмыстары жалғасуда.