Қазақстанда 15 облыста қар жауып, жолдарда қиындық туындауы мүмкін

"ҚазАвтоЖол" ұлттық компаниясы Қазақстанның 15 облысында ауа райының нашарлауы туралы жүргізушілерге ескерту жасады, деп хабарлайды POLITICO.KZ.

Ақмола, Атырау, Ақтөбе, Батыс Қазақстан, Жамбыл, Қарағанды, Қызылорда, Қостанай, Маңғыстау, Павлодар, Түркістан, Солтүстік Қазақстан, Шығыс Қазақстан, Абай және Ұлытау облыстарында қарлы боран мен көктайғақ болуы мүмкін.

"Жолдағы қауіпсіздік ережелерін сақтап, ауа райының қолайсыздығын ескерулеріңізді сұраймыз", – деп мәлімдеді ұлттық компания өкілдері.

Жүргізушілерге ауа райы туралы хабарламаларды қадағалап, ұзақ сапарларға шықпас бұрын көлік құралдарының техникалық жағдайын тексеруге кеңес беріледі.