Қазақстанда ресейлік бидай импортына тыйым алынып тасталды

2024 жылдың тамыз айынан бастап енгізілген ресейлік бидай импортына тыйым 2025 жылдың 1 қаңтарынан бастап күшін жойды, деп хабарлайды POLITICO.KZ.

Ауыл шаруашылығы министрлігінің мәліметінше, шектеуді ұзарту жоспарда жоқ. Енді импорт шектеусіз жүзеге асырылады, бірақ ішкі нарықтағы жағдай бақылауда болады.

"Бидай импортына қатысты қандай да бір шектеу енгізу мәселесі нарықтағы жағдайға байланысты шешіледі. Бұл астық қоры, ұсыныс пен сұраныс деңгейі, отандық өндірушілердің мүдделерін қорғау, «көлеңкелі импортқа» қарсы күрес және әлемдік астық нарығындағы жағдай сияқты факторларға негізделеді", – деді министрліктің өкілдері.

2024 жылы Қазақстанда рекордтық бидай өнімі тіркелді. Бұл жергілікті фермерлер үшін қиындық туғызды, себебі ішкі нарықтағы артықшылықпен қатар, дәстүрлі экспорттаушылардың сұранысының төмендеуі және Ресейдегі уақытша экспорт шектеулері мәселесі байқалды.

Ақпарат ORDA.KZ сайтынан алынған.