Қазақстандағы ең криминалды өңірлер аталды

Қазақстанда 2024 жылы қылмыс саны 140 272-ден 132 778 жағдайға дейін төмендегенімен, кейбір өңірлерде қылмыс деңгейі өскені байқалады. Бұл туралы Бас прокуратура мәлімдеді, деп хабарлайды POLITICO.KZ.

Қылмыс деңгейі өскен өңірлер:

• Маңғыстау облысы: +12,2% (3097-ден 3474-ке дейін).
• Атырау облысы: +8,5% (4283-тен 4647-ге дейін).
• Павлодар облысы: +5,6% (5039-дан 5322-ге дейін).
• Қызылорда облысы: +4,6% (2871-ден 3003-ке дейін).
• Ұлытау облысы: +2,8% (1278-ден 1314-ке дейін).
• Алматы облысы: +1,6% (10 223-тен 10 385-ке дейін).
• Ақмола облысы: +0,7% (5084-тен 5120-ға дейін).

Қылмыс түрлері бойынша:
Генпрокуратураның мәліметінше, ең жиі кездесетін қылмыстар – алаяқтық және ұрлық. Ең сирек тіркелетін қылмыс – зорлау.

Жалпы алғанда, қылмыс санының азаюы елдегі құқықтық тәртіптің жақсарғанын көрсеткенімен, кейбір өңірлердегі көрсеткіштердің өсуі қоғамда алаңдаушылық туғызуда.