Қазығұрт ауданында газ баллоны жарылып әкесі мен екі кішкентай баласы қайтыс болды

Түркістан облысы Қазығұрт ауданы Жігерген ауылы округі Айнатас елді мекенінде газ баллоны жарылып, бір үйден үш адам қайтыс болды.

Желіде тараған ақпаратқа сүйенсек, 7 қаңтарда жарылған газдан бір отбасыдан әкесі және екі ұлы өмірден өтті. Атап айтсақ 40 жастағы Дәулет Тұрабаев және оның 12 жастағы Мұқағали Убайдулла мен 5 жастағы Нұрасыл Убайдулла есімді екі баласы қайтыс болды.

Дәл осы Қазығұрт ауданының Жұмысшы елді мекенінде 6 қаңтарда толтырылған газ баллоны жарылып, төрт адамды күйік шалған еді.

Желтоқсан айының соңында Жетісу облысында да осындай қайғылы жағдай туралы БАҚ беттерінде жазылды.