«Қойшы бала» екі жылға сотталып кете жаздады

«Қойшы бала» атымен танылған әнші Айдос Кәден аяқтан шалғандардың кесірінен сотталып кете жаздағанын айтты, деп хабарлайды POLITICO.KZ.

Ол сұхбат барысында не жағдай болғанын ашып айтпады, тұспалдап қана жеткізді.

«Екі жылға сотталып кете жаздадым. Аяқтан шалды. Видеоның кесірі болды. Алайда өзімді өзім ақтап шықтым. Өзімнің ақ екенімді дәлейдей алдым. Адвокат жалдауға ақша керек болды. Білесіздер ғой. Ашып айтатын зат емес», - деді әнші.

«Қойшы бала бұрынғы продюсері Жігер Ауыпбаевпен қарым-қатынасында дұрыс шешім қабылдай алмағанын мойындады. Ол өзіне түрлі адамдардың ықпал еткенін айтып, «бірінші рет сынаққа түстім, жеңе алмадым» деп өкінетінін жасырмады.

Айдос журналистің «Қайтып бара алмадың ба?» деген сұрағына: «Бара алмаймын, ренжулі шығар, бірақ бұл жек көргенімнен емес» деп жауап берді.