Қытай Зеленскийдің мәлімдемесіне жауап берді

9 сәуір 2025, 13:07 3603

Қытай Зеленскийдің мәлімдемесіне жауап берді — Getty Images

Қытай Украинадағы сарбаздары туралы ақпаратты тексеріп жатыр

Қытай билігі Украина аумағында ресейлік армия жағында соғысып жүрген екі қытай азаматының тұтқындалуына қатысты мәлімдеме жасады, деп хабарлайды POLITICO.KZ Newsweek басылымына сілтеме жасап.

Қытай Сыртқы істер министрлігінің өкілі журналистерге берген жауабында Пекин украиналық тараппен бірлесіп бұл ақпаратты тексеріп жатқанын айтты.

«Қытай бұл ақпаратты украиналық тараппен бірлесіп тексеріп жатыр», – деді Қытай СІМ өкілі.

Ол сондай-ақ Қытай үкіметінің ұстанымын атап өтті:

«Қытай үкіметі қытайлық азаматтарға әрдайым қарулы қақтығыс аймақтарынан аулақ болуды, кез келген түрде қарулы қақтығыстарға қатыспауын және әсіресе қандай да бір тараптың әскери операцияларына араласпауын талап етеді», – деді дипломат.

Бұған дейін Украина президенті Владимир Зеленский екі қытай азаматының Донецк облысында тұтқындалғанын мәлімдеген болатын.

Геополитика Зеленксий Си Цзиньпин Соғыс Украина Қытай Әлем жаңалықтары

Бізді Google-дың негізгі дереккөздер тізіміне қосыңыз

Қосу

Қытай Зеленскийдің мәлімдемесіне жауап берді

Соңғы жаңалықтар