Ресейде жасөспірім мектепке шабуыл жасап, оқушыларды пышақтады

Мәскеу маңындағы Одинцово қаласындағы орта мектепте 15 жастағы оқушы пышақпен оқу орнына шабуыл жасады. Алдын ала мәлімет бойынша, ол күзетшіні және бірнеше оқушыны жаралаған, деп хабарлайды POLITICO.KZ Baza Telegram-арнасына сілтеме жасап.

Алдын ала ақпаратқа сәйкес, бір бала, 4-сынып оқушысы, қаза тапқан.

Оқиға орнына көп ұзамай арнайы жасақ жеткен. Осы уақытта қарулы оқушы өзге бір оқушыны кепілге алған. Онымен келіссөз жүргізілгенімен, ақырында ол бекінген кабинетке шабуыл жасалып, күдікті ұсталды.

БАҚ мәліметінше, ұсталған жасөспірімнің футболкасында «No Lives Matter» («Ешкімнің өмірі маңызды емес») деген жазу болған.

Қазіргі уақытта қызметтер Успенская мектебінің кабинеттерін ықтимал жарылғыш құрылғының бар-жоғын тексеріп жатыр.

Шабуыл жасаған жасөспірім осы мектептің 9-сынып оқушысы екені анықталды.

БАҚ деректеріне сүйенсек, ол шабуылға бірнеше күн бойы дайындалған. Осы уақыт ішінде «Менің ашуым» атты 11 беттен тұратын манифест жазып, оны сыныптастарына жіберген.

#мектеп #оқушы #пышақтады #Ресей