Роза Рымбаеваның бұрын жарияланбаған суреттері желіде тарады

Танымал әнші Әли Оқапов әлеуметтік желідегі парақшасында көпшілік бұрын көрмеген ерекше фотосуреттерді жариялады, деп хабарлайды POLITICO.KZ.

Жарияланған кадрларда өнер иесінің балалық шағынан сыр шертетін сәттер мен анасы – Қазақстанның халық әртісі, қазақ эстрадасының аңызы Роза Рымбаеваның жастық шағындағы естеліктері көрініс тапқан.

Әли Оқапов бұл суреттерді анасының туған күніне орай бөлісіп, оған деген ыстық ықыласы мен зор құрметін қысқа ғана жазбамен жеткізді.

«Мама, туған күніңмен», – деп жазылған постта.

Желі қолданушылары да бұл жазбаны жылы қабылдап, Роза Қуанышқызын туған күнімен жаппай құттықтады. Көпшілік пікірлерде халық әртісіне ізгі тілектер жолданып, оның қазақ өнеріндегі айрықша орны ерекше атап өтілді.

#роза рымбаева #фото #Әлеуметтік желі #әли оқапов