Руслан Өскенәлі «Қазақмыс» қызметкерлеріне өндірістік қауіпсіздік бойынша бейнеүндеу жасады

«Қазақмыс корпорациясы» жауапкершілігі шектеулі серіктестігінің басқарма төрағасы Руслан Өскенәлі жұмысшыларға өндірістік қауіпсіздік тақырыбында арнайы бейнеүндеу жолдады, деп хабарлайды Politico.kz.

Компания басшысы өз сөзінде қауіпсіздік әрбір қызметкердің негізгі құқығы екенін айтып, қандай да бір жоспар немесе мерзім үшін бұл талаптарды бұзуға ешқашан жол берілмейтінін мәлімдеді. Оның сөзінше, жұмыс орнында еңбек қауіпсіздігін толық қамтамасыз етіп, қолайлы жағдай жасау тікелей басшылықтың басты жауапкершілігі саналады.

Басқарма төрағасының бұл бейнеүндеуі корпорация ішіндегі өндірістік қауіпсіздік мәдениетін қалыптастырып, жұмыс барысындағы тәуекелдерді азайтуға бағытталған маңызды қадам ретінде қабылданып отыр.