Сара Назарбаеваға қатысты қауесеттерге ресми жауап берілді
Экс-президент Нұрсұлтан Назарбаевтың кеңесшісі және баспасөз хатшысы Айдос Үкібай Сара Назарбаеваның қайтыс болуы туралы ақпаратты жоққа шығарды, деп хабарлайды POLITICO.KZ.
"ҚР-дағы бірнеше бұқаралық ақпарат құралдарының сұранысына байланысты, Сара Алпысқызының қайтыс болуы туралы желіде тараған ақпарат шындыққа сәйкес келмейтінін мәлімдеймін", – деп жазды Үкібай өзінің X әлеуметтік желісіндегі парақшасында.
Бұған дейін әлеуметтік желілерде Қазақстанның тұңғыш президентінің жұбайы Сара Назарбаева 84 жасында қайтыс болды деген ақпарат тараған болатын. Айдос Үкібай бұл ақпараттың негізсіз екенін нақтылап, оның денсаулығына қатысты алаңдаушылық білдірген адамдарға алғысын жеткізді.
Сара Алпысқызы Назарбаева – Қазақстанның тұңғыш президенті Нұрсұлтан Назарбаевтың жұбайы, танымал қоғам қайраткері және қайырымдылық жобаларының негізін қалаушы.
Соңғы жаңалықтар
