Шетелдік интернет-компаниялар тіркелмесе, бұғатталуы мүмкін

Қазақстанда тіркелмеген шетелдік компаниялар жұмысы тоқтатылуы мүмкін, деп хабарлайды POLITICO.KZ.

2022 жылдан бастап Қазақстанда шетелдік интернет-компанияларға қосымша құн салығы (ҚҚС) енгізілген болатын. Бұл салық "Google салығы" ретінде танымал. Оның мақсаты – Қазақстан аумағында жеке тұлғаларға қызмет көрсететін шетелдік ұйымдардың салықтық міндеттемелерін ретке келтіру.

Қазіргі уақытта елде 98 шетелдік компания тіркелген, олардың қатарында Alibaba, Aliexpress, Apple, Google, Huawei, Netflix, Pinduoduo, Temu және басқа да ірі халықаралық ойыншылар бар. Төленген салықтардың жалпы сомасы 70 миллиард теңгені құрады.

Жақында Қазақстанның Салық кодексіне қосымша өзгерістер енгізілді. Бұл өзгерістерге сәйкес, шетелдік ұйымдар тіркелу міндеттемелерін орындамаған жағдайда, олардың қызметі Қазақстан аумағында бұғатталуы мүмкін. Бұл шаралар шетелдік интернет-компаниялардың қызметін бақылау тиімділігін арттыруға бағытталған.