«Тағы қосып жүрмесін»: Арман Қоңыр өзге қызбен бірге жүр деген қауесетке жауап берді

Аша Матайдың жолдасы, әнші Арман Қоңыр желіде өзге қызбен бірге шетелде қыдырып жүр деген қаңқу сөздерге қатысты әзіл аралас жауап берді, деп хабарлайды Politico.kz Kursiv.Media сайтына сілтеп.

Бұған дейін желі қолданушылары Арман Қоңыр мен танымал бір модельдің Қытайдағы бірдей локациядан салған суреттерін байқап, «екеуі көңіл жарастырып жүр» деген сыбыс таратқан еді. Әнші кезекті демалысы кезінде бұл жағдайды қағытпа қалжыңға айналдырды.

«Жайлау» гольф-клубында жүрміз. Менің үндеуім бар еді. Құрметті оқырманым, әсіресе қыздар қауымы, бүгін осы жерден сурет салмаңыздаршы. Әйтпесе, кейбір адамдар бізді жүреді деп қалады. Менің айтарым – осы», – деді өнер иесі видеоүндеуінде.

Көп ұзамай ол дәл сол демалыс орнынан сурет бөлісіп: «Бүгін бұл жерден Instagram-ға фото салмаймыз. Жұрт тағы қосып жүрмесін», – деп жазба қалдырды.

арман қоңыр Аша Матай Шоу-бизнес Әнші

«Тағы қосып жүрмесін»: Арман Қоңыр өзге қызбен бірге жүр деген қауесетке жауап берді

Соңғы жаңалықтар