Танымал актриса 38 жасында өмірден өтті

Болливуд актрисасы Прия Маратхе 38 жасында дүниеден озды. Ол Үндістанның Мумбаи қаласында онкологиялық аурумен ұзақ уақыт күрескен соң көз жұмды.

Актриса соңғы екі жыл бойы қатерлі дертпен арпалысып келген. Оның күйеуі Шантану Моге-нің айтуынша, операциядан кейін Прия өзін жақсы сезініп, тіпті түсірілімдерге қайта оралған. Алайда, барлық емдеу курстарына қарамастан, ауру қайта асқынып, актриса өмірден өтті.

Прия Маратхе көпшілікке танымалдылықты «Мен тек сенің әніңді айтамын» атты фильм арқылы иеленген. Сонымен қатар, ол «Қасиетті байланыстар», «Бұл бақыт па, әлде жоқ па», «Маған бұл өте ұнайды» және басқа да картиналарда ойнаған.