"Тап қызымды": марқұм Мәдинаның анасы Мадиярмен кездесті

Әлеуметтік желіде қайтыс болған Мәдинаның анасы мен оның өліміне қатысы бар делінген Мадиярдың көшеде кездесіп қалған сәті түсірілген видео тарады. Бұл туралы блогер әрі қоғам белсендісі Жан Ахмадиев жеке парақшасында жариялады, деп хабарлайды Politico.kz.

Кадрдан қайғыдан қан жұтқан ананың ашуға булығып, күдіктіге қарай ұмтылғанын, ал қасындағы құқық қорғаушы Инга Иманбайдың оны сабырға шақырып, ұстап қалуға тырысқанын көруге болады.

Оқиғаға қатысты Жан Ахмадиев түсініктеме беріп, жақындарының заң аясынан шықпауы маңызды екенін ескертті.

"Достар, Инга заң аясында жұмыс істеп, өз қорғауындағы адамды заң бұзудан сақтап тұр. Ертең анау арыз жазса, мамасы істі болып кетуі мүмкін. Мадиярды ұрып емес, түрмеге қаматып жазалау керек заң аясында!", – деп жазды ол.

Аталған бейнежазба желі қолданушыларының қабырғасын қайыстырып, көпшілік марқұмның анасына қолдау білдіріп, істің әділ тергелуін талап етуде.

View this post on Instagram

A post shared by Жан Ахмадиев (@zhan_ahmadiev)