"Тізгінді өзіме алдым": Мөлдір Әуелбекова қонақтарды қалай күтетінін көрсетті

Қазақстандық шоу-бизнес жұлдызы Мөлдір Әуелбекова желіде жаңа видео жариялап, көпшілікке қалай қонақ күтетінін көрсетті. Мөлдір Әуелбекова қонақ күткен видеосын Instagram-дағы парақшасында бөліскен. Бейнежазбада өнер иесінің дастархан үстінде ет тұрап жатқанын көруге болады. Эстрада жұлдызы тек қыз-келіншектер болып жиналғандықтан ер адамның міндетін өзі атқаруға тура келгенін айтты. "Қонақтарға қызмет! Әдетте етті ер адам турайды! Біз кілең қыздар жиналып, тізгінді өзіме алдым! Негізі, қолымнан бәрі келеді! Жан-жақты, қыр-сырлы, ақылыма-көркім сай, өнерлі келіншекпін ғой", - деп жазды Мөлдір Әуелбекова.