Тоқаев Бектеновке шұғыл тапсырма берді

Мемлекет басшысы Бектеновке осы аптаның соңына дейін шаралар әзірлеуді тапсырды, деп хабарлайды POLITICO.KZ.

Астана. 16 қазан. Мемлекет басшысы Премьер-министр Олжас Бектеновке осы аптаның соңына дейін Үкіметтің экономикалық реформалар бағдарламасын жүзеге асыру жолдарын азаматтардың мүддесін ескере отырып, қайта қарауды тапсырды.

Үкімет алдына шағын және орта бизнесті қолдауға жаңа серпін беру, елдегі инвестициялық ахуалды жақсарту және жалпы экономикалық жағдайды тұрақтандыруға бағытталған нақты шешімдер қабылдау міндеті қойылды.

Президент Үкіметтің қазіргі экономикалық саясатының негізгі бағыттары Қазақстанның стратегиялық мүдделеріне сай келетінін атап өтті. Мемлекет басшысының пайымдауынша, бұл саясатта жаһандық конъюнктура мен нарықтың бүгінгі үрдістері ескерілген. Дегенмен, оны іске асыру тетіктері халықтың талап-тілегіне сәйкес реттелуі тиіс.