Тоқаев Орталық сайлау комиссиясының алты мүшесін тағайындады

Президент Қасым-Жомарт Тоқаев Орталық сайлау комиссиясының алты мүшесін тағайындау туралы жарлықтарға қол қойды. Бүгін Құрылтай отырысында депутаттар Президент ұсынған кандидаттарға келісім берген еді, деп хабарлайды Politico.kz.

ОСК мүшелері болып мыналар тағайындалды:

• Азамат Мақсотұлы Айманакумов;
• Михаил Михайлович Бортник;
• Мұхтар Тілдәбекұлы Ерман;
• Әсел Болатқазықызы Жанәбілова;
• Ләззат Кенесқызы Сүйіндік;
• Шавхат Әнесұлы Өтемісов.

Кандидаттарды депутаттарға Президент Әкімшілігінің басшысы Роман Скляр таныстырды. Конституцияның 56-бабына сәйкес Орталық сайлау комиссиясы мен Жоғары аудиторлық палата мүшелерін, сондай-ақ Конституциялық сот судьяларын тағайындауға Құрылтайдың келісімі қажет.

Орталық сайлау комиссиясы Қазақстандағы сайлаулар мен референдумдарды ұйымдастырып, өткізуге жауап береді. Ал 18 қыркүйекте Нұрлан Әбдіров комиссия төрағасы болып қайта тағайындалған болатын.