Тоқаев Қытайдағы жер сілкінісіне байланысты Си Цзиньпинге көңіл айтты

Қасым-Жомарт Тоқаев Си Цзиньпинге көңіл айтты

Мемлекет басшысы Қытай Халық Республикасының Төрағасына көңіл айту жеделхатын жолдады, деп хабарлайды POLITICO.KZ.

Жеделхатта Сицзан автономиялық ауданының Шигацзе қаласында болған жойқын жер сілкінісі салдарынан көптеген адамның қаза тапқаны және зардап шеккені туралы суыт хабарды терең күйзеліспен қабылдағанын жеткізді.

Сонымен қатар Президент Қасым-Жомарт Тоқаев Қазақстан халқының және өзінің атынан ҚХР Төрағасы Си Цзиньпин мен жақындарынан айырылған отбасыларға, сондай-ақ достас қытай халқына көңіл айтып, апатта жараланғандардың тез арада сауығып, отбасыларына оралуына тілектестік білдірді.

#Президент #Қасым-Жомарт Тоқаев #Қытай