Трамп Путиннен Украинадағы соғысты тоқтататын «келісім жасауды» қалайды
Дональд Трамп Владимир Путиннің Украинадағы соғысты тоқтату үшін "келісім жасауын" қалайды және қажет болған жағдайда Ресей мұнайына қосымша баж салатынын айтты, деп хабарлайды POLITICO.KZ CNN агенттігіне сілтеме жасап.
"Мен оның келісім жасап, орыс және украин әскерлерінің, сондай-ақ басқа адамдардың өлімін тоқтатуын қалаймын... Мен оның мұны істейтініне сенімдімін. Мен оның мұнайына қосымша баж салғымы келмейді. Бірақ ол өз міндетін орындамаса, мұны істеймін. Мен бұны Венесуэламен істедім", - деді Трамп Ақ үйдің Овальдық кабинетінде.
Дүйсенбі күні Трамп Украинаға деген наразылығын және сирек кездесетін металдар туралы келісімге қарсылығын қайталады.
"Біз сирек кездесетін металдар туралы келісімге қол жеткіздік. Барлығы дайын болды. Бірақ мен енді сіздерден естідім, олар: "Біз бұл келісімге қол қоямыз, егер НАТО-ға мүше болсақ" деп айтады. Біріншіден, бұл ешқашан талқыланбады. Екіншіден, Путин Украинаның НАТО-ға мүше болмауы керектігін ұзақ уақыт бойы айтып келеді", - деді Трамп баспасөзге.
"Мүмкін, дәл осы соғыстың басталуына себеп болды", - деп ол Ресейдің конфликттің басталуы туралы негізгі тезистерін қайталады.
Соңғы жаңалықтар
