Трамп: «Украинаның бұл соғыста жеңетініне сенбеймін»

Трамп Украинаға бұрынғыдай сенбейтінін мәлімдеді, деп хабарлайды POLITICO.KZ.

Америка Құрама Штаттарының президенті Дональд Трамп Украина мен Ресей арасындағы соғыста Киевтің жеңісіне сенбейтінін мәлімдеді.

Бұл пікірін Трамп 20 қазан, дүйсенбі күні, Аустралия премьер-министрі Энтони Альбанеземен бірге өткізген басқосуында білдірді.

"Олар әлі де жеңіске жете алады. Мен олар жеңеді деп ойламаймын, бірақ теориялық тұрғыда мүмкін. Мен ешқашан олар жеңеді деп айтқан емеспін, мен тек жеңуі мүмкін дедім. Барлығы болуы мүмкін", - деді Трамп CNN арнасына.

Бұл мәлімдеменің маңызы зор, себебі ол Трамптың бұрынғы ұстанымына қайшы келіп отыр. Осыдан небәрі бір ай бұрын ғана АҚШ президенті Еуропа Одағының қолдауы арқылы Украина өз аумақтарының барлығын қайтарып ала алатынын мәлімдеген болатын.