Жазира Байырбекова келінін өзі ұзатып, оңбай сөз естіді

Әнші Жазира Байырбекова келінін өзі ұзатып, жаңа шаңырағына алып келгенін жазды, деп хабарлайды Politico.kz.

Байырбекова келінін құдағиының өтініші бойынша ұзатқан екен.

«Аллаға шүкір, бүгін келінімізді аман-есен шаңырағымызға түсірдік. Құдағиым Лиза «келінді өзіңіз ән айтып алып кетсеңіз» деп өтінген соң, соны орындадым. Баршаңызға жылы тілектеріңіз үшін рахмет», – деп жазды әнші.

Әншінің бұл жазбасына желі қолданушылары түрлі пікір қалдырды.

«Енесі өзі ұзатып алғанды бірінші рет көріп тұрмын», «Қазақстандағы енесі ән айтып ұзатып алып кеткен 1 ші келін», «Енесі келінін ұзатып шығарғаны бұл қай жақтың салт дәстүрі?» «Естімеген елде көп деген осы екен ғой», «Енесі ұзатып жатыр ма ? Ерсі екен», «Дұрыс емес, басқа адам жоқ па, қазақтың салтын бұзып» деген пікірлер жазылған.