Жетісуда машинист теміржол бойында жалғыз жүрген 4 жасар баланы құтқарды

21 қыркүйек 2026, 11:59 758

Жетісуда машинист теміржол бойында жалғыз жүрген 4 жасар баланы құтқарды — Фото: Бейнеден алынған скрин

Жетісуда жүк пойызының машинисі теміржол бойында жалғыз жүрген 4 жасар баланы көріп, пойызды тоқтатқан, деп хабарлайды Politico.kz «Қазақстан темір жолы» ҰК» АҚ баспасөз қызметіне сілтеме жасап.

Оқиға 2026 жылғы 20 қыркүйекте сағат 12:30 шамасында болған. Сарыөзек – Үштөбе учаскесіндегі Тауарасы – Айнабұлақ аралығында жүк пойызы жүріп келе жатқан. Сол кезде машинист теміржол төсемі жанынан Айнабұлақ станциясына қарай жалғыз кетіп бара жатқан бүлдіршінді байқайды.

Жүк пойызы бұл кезде шамамен 38 км/сағ жылдамдықпен қозғалып келе жатқан. Машинист бірден қызметтік тежеуді қолданып, құрамды тоқтатады. Ол баланы локомотив кабинасына мінгізіп алып, жағдайды пойыз диспетчеріне хабарлаған.

Кейін бүлдіршін Айнабұлақ станциясының кезекшісіне табысталды. Станция қызметкері баланың ата-анасымен байланысқа шығып, оларды тапқан.

Бала Жетісу облысы Пойыз

Бізді Google-дың негізгі дереккөздер тізіміне қосыңыз

Қосу

Жетісуда машинист теміржол бойында жалғыз жүрген 4 жасар баланы құтқарды

Соңғы жаңалықтар