Жезқазған мен Сәтбаевта жаңа үйлердің іргетасы құйылды
30 тамызда Жезқазған және Сәтбаев қалаларында 300 пәтерге арналған жаңа тұрғын үйлердің іргетасын қалау рәсімі өтті, деп хабарлайды Politico.kz.
Аталған нысандардың құрылысын «QazaqStroy» компаниясы жүргізіп жатыр. Жаңа ғимараттар 2027 жылы толық аяқталып, пайдалануға беріледі.
Жезқазғанда жалпы көлемі 240 пәтер болатын 5 қабатты 7 үй тұрғызылады. Оның 5 үйі 2 кіреберістен, ал 2 үйі 1 кіреберістен тұрады. Барлық ғимаратта міндетті түрде жертөле бөлмелері қарастырылған.
Сәтбаев қаласында 60 пәтерлі 5 қабатты 1 тұрғын үй бой көтереді. Жаңа кешендер қалалардың қазіргі инфрақұрылымымен толық үйлесім табады. Жоба шеңберінде іргелес аумақтарды кешенді түрде абаттандыру көзделген.
Аулаларда балалар мен спорт алаңдары, автотұрақтар және арнайы демалыс орындары ұйымдастырылады. Оған қоса аумақты көгалдандыру жұмыстары жүргізілмек. Тұрғын үйлерді жобалау кезінде қауіпсіздік талаптары мен энергия тиімділігіне баса назар аударылған. Бұл шешімдер тұрғындар үшін барынша қолайлы жағдай жасауға бағытталған.
Соңғы жаңалықтар
