Ажырасқан Дәурен Айдарқұлов пен Ақбота-Нұр бір-біріне жылы лебіз білдірді

Танымал актер, шоумен Дәурен Айдарқұлов бұрынғы әйелі, актриса Ақбота-Нұрға ел алдында ризашылығын білдірді. Ақбота-Нұр Қазақстандағы ең үздік үш актерді атады. Арасында Дәурен Айдарқұлов та бар. Мен үшін үздік үш актер: Дәурен Айдарқұлов, Шакенти-Шако және Елдос Шайкенов, – деді актриса. Оның бұрынғы күйеуі Дәурен Айдарқұлов видеоның астына жүрекжарды лебізін жазып, алғысын білдірді.

Рақмет, жылы сөздерің үшін! Осындай қолдау шабыттандырады және алға ұмтылуға күш береді. Сенің талантың ерекше және әр жобаңда осыны дәлелдеп келесің. Саған да тек сәттілік тілеймін! – деп жазды актер.

Еске сала кетсек, бұған дейін Ақбота Сейтмағамбет Дәурен Айдарқұловпен бұрын бірге түскен суретін де жариялаған болатын.

#актер #актриса #Ақбота Нұр #Дәурен Айдарқұлов #күйеу