Бектенов: «Біз қуатты автомобиль державасына айналуымыз керек»

Премьер-министр Алматының индустриялық аймағында болды, деп хабарлайды politico.kz.

Сапар барысында автокөлік кәсіпорнын кеңейту және жаңғырту жоспарларымен де танысу болды.

Қазақстанның автоөнеркәсібі, кім не десе де одан әрі дамып келеді. Иә, оған қарсылық білдірушілер де, сынайтындар да көп, бірақ қазақстандық автоөнеркәсібі одан әрі дами бермек. Біз Үкімет ретінде оны әрқашан қолдаймыз. Бизнестің өзі дамуға, локализацияны арттыруға ұмтылады. Біз қуатты автомобиль державасына айналуымыз керек, – деді Олжас Бектенов.

Айта кетейік, бүгін Премьер-Министр Олжас Бектенов Алматыға жұмыс сапары аясында индустриялық аймақ аумағындағы бірқатар кәсіпорынға барып, ол жердегі инвестиция тарту және өндірісті локализациялау қарқынымен танысты.