Дариға Назарбаеваның қайда жүргені белгілі болды

Қазақстанның экс-президенті Нұрсұлтан Назарбаевтың қызы Дариға Назарбаева мен оның отбасы Кан қаласында (Франция) өткен кеште көзге түсті.

Видео Telegram-дағы каналдардың бірінде тарады.

Онда Дариға Назарбаева, ұлы Нұрәлі Әлиев пен оның әйелі Аида Әлиева, балалары Лаура, Амира мен Алан Кан қаласындағы қымбат іс-шарада жүргенін көруге болады.

Ашық дереккөздердің мәліметінше, бұл шараға қатысудың өзі арзан емес: кешке қатысамын деушілер екі адамға 33 мың еуро немесе 17,5 миллион теңге төлеуі керек.

Шарада әулеттің алты адамы жүр. Осылайша, Назарбаевтың қызы, немерелері мен шөберелері бір шараға қатысудың өзіне 52,6 миллион теңге берген болуы мүмкін.

Кан қаласындағы Knights of Charity Gala қайырымдылық шарасы Château de La Croix des Gardes in Cannes жекежайында өткен.

Кеш ұйымдастырушысы – голливуд жұлдызы Шэрон Стоун (SHARON STONE).

Қайырымдылық шарасы Монаконың қазіргі кінәзі Grace Kelly құрметіне ұйымдастырылған.

Аукционда қымбат лоттар ойнатылған.