Алматы әуежайының дәретханасында адам өз мойнын кесіп жіберді

Алматы әуежайының T1 ішкі рейстер терминалында кезекті оқиға тіркелді: жолаушылардың бірі әжетханада өз-өзіне қол жұмсамақ болды, деп хабарлайды POLITICO.KZ.

Әуежайдың баспасөз қызметінің хабарлауынша, жағдайды дер кезінде байқаған қызметкерлер бірден медициналық көмек шақырған. Жедел жәрдем жеткенше жолаушыға алғашқы көмек көрсетіліп, дәрігерлердің бақылауына тапсырылды. Қазіргі таңда оның өміріне қауіп жоқ.

Оқиға орын алғанына қарамастан, әуежай жұмысы әдеттегі тәртіппен жалғасуда. Әлеуметтік желілерде сынған бөтелке мен қан іздері түсірілген суреттер тарады. Алайда ресми дереккөздер жолаушылардың қауіпсіздігіне ешқандай қатер болмағанын мәлімдеді.

Айта кетейік, бұған дейін, 25 тамыз күні дәл осы терминалда тағы бір оқиға болған еді. Ер адам өзіне от қоймақ болған, алайда полиция мен әуежайдың қауіпсіздік қызметі дер кезінде араласып, оның әрекетіне жол бермеді. Кейін ол ауруханаға жеткізілген.