Алматы облысында жол бойынан табылған сәби: Ата-анасы мен туыстары әлі іздестіріліп жатыр

Алматы облысының Жамбыл ауданында жол бойынан табылған кішкентай қыздың ата-анасы немесе жақын туыстарын іздеу жұмыстары жалғасуда, деп хабарлайды Politico.kz агенттігі Lider.kz еріктілер қозғалысына сілтемемен.

Еріктілердің мәліметінше, сәби 2025 жылғы 24 қазанда күндіз Алматы – Бішкек тасжолының бойынан табылған. Жолмен өтіп бара жатқан тұрғындар жалғыз қалған қыз баланы байқап, бірден полицияға хабарлаған.

Алдын ала ақпарат бойынша, қыз бала шамамен 7–8 айлық. Табылған кезде оның үстінде ақ-қызғылт түсті комбинезон мен қызғылт телпек болған.

Қазір сәби қауіпсіз жерде. Құқық қорғау органдары оның жеке басын анықтап, ата-анасы немесе жақын туыстарын табу бағытында жұмыстар жүргізіп жатыр.

Lider.kz еріктілері қыз балаға қатысты қандай да бір ақпарат білетін азаматтарды өздеріне хабарласуға, әлеуметтік желідегі ресми парақшалары арқылы байланысуға немесе 102 нөміріне қоңырау шалуға шақырды.

Ақмолада екі қыз көлікпен бірге суға батып кетті

Сотталған экс-вице-министр күтпеген жерден бостандыққа шықты

іздестіру жұмыстары Алматы Бала Жамбыл ауданы Полиция

Бізді Google-дың негізгі дереккөздер тізіміне қосыңыз

Қосу

Алматы облысында жол бойынан табылған сәби: Ата-анасы мен туыстары әлі іздестіріліп жатыр

Соңғы жаңалықтар