Алматыда 15 жастағы жасөспірім жартастан құлап кетті (ВИДЕО)

3 мамыр 2026, 09:10 894

Алматыда 15 жастағы жасөспірім жартастан құлап кетті (ВИДЕО) — Видеодан кадр

Алма-Арасанда 15 жастағы бала жарақат алып, эвакуацияланды

Алматы қаласының Бостандық ауданында, Алма-Арасан шатқалы аумағында жасөспірім жазатайым оқиғаға ұшырады, деп хабарлайды Politico.kz.

Терра алаңы маңында 15 жастағы бала жартастан құлап, аяғынан жарақат алған. Оқиға куәгерлері дереу құтқарушыларға хабар беріп, көмек сұраған. ҚР ТЖМ «Барыс» республикалық жедел-құтқару қызметінің мамандары қалалық ТЖД құтқарушыларымен бірге оқиға орнына жедел аттанды.

Алма-Арасан пансионатына дейін жеткен құтқарушылар әрі қарай таулы аймаққа жаяу көтерілген. Қиын рельефке байланысты жол шамамен 2,5 сағатқа созылған.

Іздестіру барысында зардап шеккен жасөспірім табылып, оған алғашқы медициналық көмек көрсетілді. Кейін құтқарушылар баланы қауіпсіз жерге эвакуациялап, Апаттар медицинасы орталығының бригадасына тапсырды.

Қазіргі уақытта жасөспірім дәрігерлердің бақылауында. Оқиғаның мән-жайы анықталуда.

Алматыдағы екі жасөспірімнің өлімі: Тың деректер жария болды

Жібек Жолындағы үш адамның өлімі: Күдікті туралы жаңа деректер пайда болды

Алматы таулары дене жарақаты жасөспіріи көмек ТЖМ

Бізді Google-дың негізгі дереккөздер тізіміне қосыңыз

Қосу