Алматыда есірткіге қарсы күрес басқармасының бұрынғы және қазіргі полицейлері ұсталды

8 қыркүйек 2026, 12:00 733

Алматыда есірткіге қарсы күрес басқармасының бұрынғы және қазіргі полицейлері ұсталды — Фото: magnific.com

Алматыда Ұлттық қауіпсіздік комитеті мен Ішкі істер министрлігінің өзіндік қауіпсіздік департаменті бірлесіп, қазіргі және бұрынғы полицейлерді ұстады. Бұл туралы журналист Михаил Козачков мәлімдеді.

Оның сөзіне қарағанда құқық қорғау органдары арнайы тінту жұмыстарын жүргізіп жатыр. Ұсталғандардың қатарында жазда ішкі тексеріс нәтижесінде жұмыстан шығарылған бұрынғы қызметкерлер де бар.

Журналистің дерегінше күдіктілердің барлығы бұрын бір бөлімшеде жұмыс істеген. Олар заңсыз есірткі айналымына қарсы күрес саласына жауапты болған.

Бұған дейін Алматыда синтетикалық есірткі өндірушілерді қорғаған ұйымдасқан қылмыстық топ сотталған еді. Бұл топты есірткі қылмысына қарсы іс-қимыл басқармасы бастығының бұрынғы орынбасары Асқар Жетегенов басқарған. Нәтижесінде ол 18 жылға бас бостандығынан айырылды. Оның сыбайластары да ұзақ мерзімге түрмеге қамалды.

Алматы Полицей ҰҚК

Бізді Google-дың негізгі дереккөздер тізіміне қосыңыз

Қосу

Алматыда есірткіге қарсы күрес басқармасының бұрынғы және қазіргі полицейлері ұсталды

Соңғы жаңалықтар