Алматыда жедел жәрдем көлігі 2009 жылы туған баланы қағып кетті

Алматы қаласының Әуезов ауданында жедел жәрдем көлігінің жүргізушісі жаяу жүргіншіні қағып кетті, деп жазады POLITICO.KZ.

Қалалық полиция департаментінің мәліметінше, оқиға 7 қазан күні сағат 17:20 шамасында болған.

«Жедел жәрдем көлігінің жүргізушісі Жандосов көшесімен шығыс бағытта, қарсы қозғалыс жолағымен келе жатып, Береговой көшесінің қиылысында жолды оңтүстік бағытта кесіп өтпек болған жаяу жүргіншіні қағып кеткен», – деп мәлімдеді полиция департаментінің баспасөз қызметі.

Жарақат алған 2009 жылы туған жасөспірім балалар ауруханасына жеткізілген.

Қазір оқиғаның мән-жайын Әуезов аудандық полиция басқармасының қызметкерлері анықтап жатыр.