Аңыз адам, атақты Ялла: Фаррух Закиров Қазақстанның жоғары марапатын иеленді

Мемлекет басшысы Қасым-Жомарт Тоқаев Өзбекстан мен Қазақстанның халық әртісі Фаррух Закировті 80 жасқа толуымен құттықтап, арнайы жеделхат жолдады, деп хабарлайды Politico.kz.

Президент мәдениет пен музыка өнерін дамытуға және халықтар арасындағы достықты нығайтуға қосқан елеулі үлесі үшін әншіні ІІ дәрежелі «Достық» орденімен марапаттады.

«Тума талантыңыздың, сарқылмас күш-қуатыңыз бен ерекше еңбекқорлығыңыздың арқасында шығармашылығыңызға тәнті миллиондаған тыңдарманның ықыласына бөлендіңіз. Сіздің өнеріңіз жылдар бойы бірнеше буын ұрпақ пен халықтарды баурады. Қазақстанда қайталанбас дауысыңызды және тұтас дәуірдің мәдени феноменіне айналған әйгілі «Ялла» ансамблінің орындауындағы танымал әндерді жақсы көреді», – деп жазылған жеделхатта.

Айта кетейік, өзбек әншісі әрі композитор Фаррух Закировтің есімі атақты «Ялла» тобымен тығыз байланысты. Ол бұл ұжымға 1970 жылдардан бері көркемдік жетекшілік етіп келеді.

«Достық» ордені Фаррух Закиров Халық әртісі Ялла тобы Қасым-Жомарт Тоқаев әнші

Аңыз адам, атақты Ялла: Фаррух Закиров Қазақстанның жоғары марапатын иеленді

Соңғы жаңалықтар