«Ақ жол, біздің қызымыз»: Илья Ильин қазақи салт бойынша қызының тұсауын кесті

Әйгілі спортшы Илья Ильин қызы Аилидің бір жасын тойлап, қазақи салт бойынша тұсауын кесті, деп хабарлайды КТК арнасына.

«Ақ жол, біздің қызымыз!

Бір жыл көзді ашып-жұмғанша өтіп кетті!

Динара ханым, қызымыздың таза, бақытты өміріне берген алғашқы, аса маңызды батаңыз үшін шын жүректен алғыс айтамыз», – деп жазды спортшы.

Сәбидің тұсауын кескен Динара Сәтжан ақ батасын беріп, ата-анасын құттықтады.

«Аили, жаным! Мен сенімен өз сәттілігімді бөлісемін. Әрдайым жолың болсын! Аяғыңды нық баса ғой, балапан!» – деп тілек білдірді тележүргізуші.