Ақмола облысында сібір жарасы анықталып, екі ауыл карантинге жабылды

Ақмола облысында сібір жарасы тіркеліп, екі ауыл карантинге жабылды

Ақмола облысының Атбасар ауданында сібір жарасының анықталуына байланысты төтенше жағдай жарияланды. Бұл туралы Ауыл шаруашылығы министрі Айдарбек Сапаров ресми мәлімдеді.

Министрдің айтуынша, қауіпті індеттің тарауына тұрғындардың малдарын бұрынғы мал моласы маңында жаюы себеп болған.

Қазіргі таңда аудан аумағындағы екі ауыл карантинге жабылды. Мамандар індеттің таралуына жол бермеу үшін барлық қажетті ветеринарлық және санитарлық шараларды жүргізіп жатыр.

Айта кетейік, осыған дейін Астанада сібір жарасын жұқтырған мал етінің сатылып жатқанының расы өтірігін айтқан едік.

#Ақмола облысы #карантин