Ақтөбе облысында 49 жолаушысы бар автобус аударылып, бірнеше адам қаза тапты

8 желтоқсан 2025, 10:04 833

Ақтөбе облысында 49 жолаушысы бар автобус аударылып, бірнеше адам қаза тапты — Фото: Рixabay

Ақтөбе облысында жантүршігерлік жол апаты болды, деп хабарлайды POLITICO.

7 желтоқсан күні сағат 08:40 шамасында республикалық маңызы бар «Самара–Шымкент» автожолының 1024-шақырымында автобус аударылып кеткен.

«Алдын ала мәлімет бойынша, автобус жүргізушісі «Самара–Шымкент» автожолымен Қарабұтақ ауылынан Қызылорда облысына қарай келе жатып, Әйтеке би ауданына қарасты Ұлғайсын ауылының маңында көліктің қозғалыс бағыты бойынша оң жаққа аударылған», - делінген полиция хабарламасында.

Автобус салонында Пермь–Ташкент бағытында жолға шыққан Өзбекстанның 49 азаматы болған.

Жол-көлік оқиғасы салдарынан 5 жолаушы оқиға орнында көз жұмды, 11 жолаушы түрлі дене жарақаттарымен Әйтеке би аудандық ауруханасына жеткізілді.
Сотқа дейінгі тергеу басталды. Қазіргі таңда оқиғаның себебі анықталып жатыр.

автобус Ақтөбe облысы Жол апаты

Бізді Google-дың негізгі дереккөздер тізіміне қосыңыз

Қосу

Ақтөбе облысында 49 жолаушысы бар автобус аударылып, бірнеше адам қаза тапты

Ақтөбе облысында жантүршігерлік жол апаты болды, деп хабарлайды POLITICO.

Соңғы жаңалықтар