Ақтөбе облысында жол апатынан 12 адам көз жұмды

Жол апаты 23 қазанда Самара – Шымкент автожолында Белқопа ауылының маңында болған, деп хабарлайды POLITICO.KZ.

DAF жүк көлігі мен «ГАЗель» жолаушылар көлігі соқтығысты.

Алдын  ала мәлімет бойынша, жүк көлігі қарсы қозғалыс жолағына шығып кеткен. 

Салдарынан оқиға орнында екі жүргізуші мен «ГАЗель» көлігінің 10 жолаушысы қаза тапты, тағы бес адам медициналық мекемеге жеткізілді.

Анықталғандай, «ГАЗель» жолаушылар көлігі ресми түрде Жүргенев ауылынан облыс орталығына жолаушылар тасымалдаумен айналысқан.

Оқиға бойынша сотқа дейінгі тергеп-тексеру басталды.

Оқиға орнында полиция қызметкерлері мен жедел-тергеу тобы жұмыс жасап жатыр, оқиғаның барлық мән-жайы анықталып жатыр.
Қажетті тергеу әрекеттері жүргізілуде