Астанада бір демалыста 24 адам мас күйде көлік айдап ұсталды

Елорда полицейлері өткен демалыс күндері ішімдік ішіп рөлге отырған 24 жүргізушіні анықтады, деп хабарлайды Politico.kz.

Тәртіп сақшылары тіркеген оқиғалардың бірі түнгі сағат бір шамасында болған. Патрульдік полиция қызметкерлері қала көшелерінің бірінде 38 жастағы ер адам басқарған Haval маркалы автокөлігін тоқтатып, медициналық сараптама қорытындысы оның мас екенін растады.

Аталған факті бойынша заңбұзушыға қатысты Әкімшілік құқық бұзушылық туралы кодекстің 608-бабының 1-бөлігімен хаттама толтырылды. Сот шешімімен ер адам 15 тәулікке әкімшілік қамауға алынып, 7 жылға көлік басқару құқығынан айырылды.

Осы орайда полиция өкілдері көлік иелерін спирттік ішімдік тұтынған соң рөлге отырмауға шақырып, өздері мен өзге жол қозғалысына қатысушылардың өміріне қауіп төндірмеу қажеттігін қатаң ескертті.

Автокөлік Астана мас күй

Астанада бір демалыста 24 адам мас күйде көлік айдап ұсталды

Елорда полицейлері өткен демалыс күндері ішімдік ішіп рөлге отырған 24 жүргізушіні анықтады, деп хабарлайды Politico.kz.

Соңғы жаңалықтар