Астанада полицей жаттығудан кейін көз жұмды

Астанада полицей Қасымхан Мелдебеков спорттық жаттығудан кейін қайтыс болды, деп хабарлайды POLITICO.KZ.

Egov.press Telegram-арнасында жарияланған ақпаратқа сәйкес, полицей "Алатау" спорт кешенінде жаттығу жасап болған соң өзін жайсыз сезініп, есінен танып қалған.

Астана қалалық полиция департаменті бұл жағдайға қатысты пікір білдірді. Ведомствоның хабарлауынша, полицей ауыр күштік жаттығудан кейін есінен танып, жедел жәрдем шақырылған. Дәрігерлер оның өмірін сақтап қалуға тырысқанымен, өкінішке қарай, ер адам қайтыс болған.

"Медициналық қорытындыға сәйкес, өлім себебі – миокард инфарктісі", – делінген полиция хабарламасында.

Қазіргі уақытта аталған факті бойынша сотқа дейінгі тергеу амалдары басталды.