Астанада жігіт анасы екеуі қызды ұрып-соғып, киімсіз далаға шығарып жіберген

7 шілде күні Астана тұрғыны тұрмыстық зорлық-зомбылықтың құрбаны болды, деп хабарлайды POLITICO.KZ Kopsoz телеграм арнасына сілтеп.

Оның айтуынша, жанжал досының тойында басталып, көлік ішінде және үйге келген соң жалғасқан. Үйде жанжалға жігіттің анасы араласып, қызды ішінен тепкен. Ал жігіт оның бетінен ұрып, киімін жыртып, киімсіз кіреберіске шығарып жіберген.

Жәбірленуші ауруханаға жүгінген. Дәрігерлер оған ми шайқалуын, көгерулер мен гематома диагнозын қойды. Полицияға арыз жазылған, сот-медициналық сараптама тағайындалды. Қыздың айтуынша,  күдікті кикбоксингтен балалар жаттықтырады және мұндай жағдайлар бұған дейін де болған.