Атырау облысында жоғалып кеткен отбасының балаларын іздеу тоқтатылды
Жангелдин ауылында хабар-ошарсыз кеткендер Наурыз бен Мирамгүлді іздеу-құтқару жұмыстары аяқталды, деп хабарлайды Politico.kz "АқЖайық" басылымына сілтеме жасап.
Атырау облыстық төтенше жағдайлар департаменті 1990 жылы туған Мейрамгүл Қарабалина мен 1993 жылы туған Наурыз Мұқанғалиевті іздеу тоқтатылғанын мәлімдеді.
Департаменттің құтқару бөлімшелері облыстық полиция департаментінің ресми өтініші бойынша іздеуге жіберілгенін және ауылды зерттеуге көмектескенін түсіндірді.
«Полиция анықтаған барлық аумақ толық тексерілді. Қазір полиция департаментіне іздеуді жалғастыру туралы жаңа хабарламалар немесе өтініштер түскен жоқ», – деп хабарлады төтенше жағдайлар департаменті.
Еске сала кетейік, бұған дейін Атырау облысы Қызылқоға ауданына қарасты Жангелдин ауылында бір отбасының төрт мүшесі (ерлі-зайыпты мен олардың ересек екі баласы) із-түссіз жоғалып кеткен еді. Отбасының жұмбақ жағдайда жоғалуына байланысты қылмыстық іс қозғалды.
Артынша отбасының үйінің ауласынан ерлі-зайыпты мәйіттері көмілген күйде табылды. Олардың балалары әлі де із-түссіз жоғалғандар қатарында.
Полиция отбасының екі мүшесін өлтірді деген күдіктіге іздеу жарияланды. Күдікті – отбасының 29 жастағы күйеу баласы, Атырау облысы Махамбет ауданының тұрғыны Сұлтан Сәрсемәлиев.
Соңғы жаңалықтар
