Атырауда дүкенге кетіп, жоғалған 11 жастағы бала іздестіріліп жатыр

Атырау қаласында дүкенге шығып, жоғалып кеткен 11 жасар бала үш күннен бері табылмай жатыр, деп хабарлайды POLITICO.KZ.

Облыстық полиция департаментінің мәліметінше, Нұрсая ықшамауданында 2013 жылы туған Жасұлан Назарчук 20 желтоқсан күні сағат 10:35-те  дүкенге барып келемін деп үйінен шығып кеткен. Бала содан бері із-түзсіз жоғалып кеткен.
Жоғалған бала үстіне қою жасыл түсті күрте, спорттық үлгідегі қара шалбар, аяғына қара аяққиім киген.

"Қазір жан-жақты іздестіру жұмыстары жүргізілуде. Қандай да бір ақпарат білсеңіз 102 нөміріне немесе анасының нөмірі 8778 950 28 45 (Наталья) дереу қоңырау шалуыңызды сұраймыз", – делінген полиция хабарламасында.