Атыраудың бұрынғы әкімі жерді заңсыз бөлу ісі бойынша сотталды

Атырау қаласының бұрынғы әкімі Қайрат Оразбаев жер телімдерін заңсыз бөлу ісі бойынша үш жылға бас бостандығын шектеу жазасына кесілді, деп хабарлайды POLITICO.KZ.

Сот материалдарына сәйкес, экс-әкім рекреациялық аймақта орналасқан сегіз жер учаскесін беру туралы тапсырма берген. Кейін бөлім басшыларының бірі жалған мәліметтерді енгізу арқылы 18 жер телімін заңсыз бөлген.

Сот шешімі

• Экс-әкім Қайрат Оразбаев үш жылға бас бостандығын шектеу жазасына кесілді.
• Қалалық архитектура және қала құрылысы бөлімінің басшысы бес жылға бас бостандығын шектеу жазасын алды.
• Жер қатынастары бөлімінің басшысы алты жылға шектеу жазасына кесілді. Ол "қызметтік өкілеттігін асыра пайдалану" және "қызметтік жалғандық жасау" баптары бойынша кінәлі деп танылды.

Барлық сотталғандар мемлекеттік қызметте жұмыс істеу құқығынан өмір бойына айырылды. Ал акимат аппаратының басшысы жеткілікті дәлелдердің болмауына байланысты ақталды.

Ақпарат informburo.kz сайтынан алынған.