Australian Open–2026: Рыбакина әлемнің 2-ракеткасын жеңіп, жартылай финалға өтті

Қазақстанның бірінші, әлемнің 5-ракеткасы Елена Рыбакина Аустралия ашық чемпионатының жартылай финалына шықты, деп хабарлайды Politico.kz.

Ол ширек финалда әлемнің 2-ракеткасы, Польша өкілі Ига Швентекті жеңді.

Олар бұған дейін өзара 11 рет кездесіп, соның алтауында Швентек жеңіске жетті.

Кездесу 7:5, 6:1 есебімен аяқталды. Матч 1 сағат 35 минутқа созылды.

Бұл жеңіс Елена Рыбакина үшін «Үлкен дулыға» турнирлеріндегі төртінші жартылай финал болды. Australian Open-дегі екінші жартылай финал.

Рыбакина Australian Open–2026 жартылай финалында АҚШ өкілімен кездеседі. Джессика Пегула (WTA №6) мен Аманда Анисимова (WTA №4) арасындағы матчтың жеңімпазымен финал жолдамасына таласады.

Елена Рыбакина жартылай финал жарыс теннис