Балабақшада қараусыз қалған балалар сұмдық әрекетке барды

5 тамыз күні Ақтау қаласындағы 24-шағын ауданда орналасқан «Тұмар» балабақшасындатәрбиеші тыныштық сәтінде 50 минутқа  бөлмеден шығып кеткенде, балалардың қараусыз қалуы салдарынан ауыр жағдай тіркелді, деп хабарлайды POLITICO.KZ.

Kop soz арнасының мәліметінше, екі бала бір бүлдіршіннің үстіне отырып, тамағын басқан, көзіне бірнеше рет саусақ тығып, басын керуеттің қырына ұрған. Ең сорақысы - балабақша әкімшілігінің әрекеті. Олар жедел жәрдем шақырмай, өздері крем жағып, қыздың анасы келгенше ісікті басуға тырысқан. Тіпті 102-ге қоңырау шалмауын сұраған. 

Қазіргі таңда баланың жағдайы жақсарып келеді, қажетті ем-дом шаралары қабылдануда. Ата-анасы полицияға арыз түсіріп, балабақша әкімшілігін қатаң жауапқа тартуды талап етіп отыр.